HEZKUNTZA-DIMENTSIOA

“Egin korrika kausa baten alde” ekimenaren bidez, Amazoniaren inguruan hausnartzera animatu nahi ditugu haur eta gazteak, bai ikastetxeetan, bai familia-ingurunean: interdependentzia globala aintzatestea, baita bizitza babesteko ingurumena zaintzeak duen garrantzia ere, eta natura defendatzen dutenei (batez ere herri indigenei) laguntzeko beharraz jabetzea.

Unitate didaktikoan, 6-11 eta 12-18 urteko ikasleekin lan egiteko hezkuntza-proposamenak daude, herri indigenen eskubideekin, inguruko fauna bereizgarriarekin, toki ezezagunekin eta hezkuntzarekin erlazionatutako jardueren bidez. Dinamika horietan guztietan, hausnarketak partekatuko dira, eta gutxienez bi neurri aukeratuko dira ikasturtean zehar aplikatzeko.

Gainera, Entreculturas-ek eta Alboan-ek Amazonia gara – Defenda dezagun gure etxe komuna (www.somos-amazonia.org) kanpainan parte hartzeko proposamen guztiak ezagutarazi nahi dizkizuete, hezkuntza elebiduna, kulturartekoa eta ingurumenekoa eta komunitate indigenen eta haien lurraldeen babesa sustatzeko modu gisa. Edizio honetan, lasterketa solidarioa kanpainaren bidez eskaintzen diren parte hartzeko proposamenei lotuta dago.